Gozar dunha boa saúde auditiva é esencial se conduces

Publicado: 01 de abril de 2021, 12:00
  1. Social
Gozar dunha boa saúde auditiva é esencial se conduces

Gozar dunha boa saúde auditiva é esencial se conducimos dado que moita da información relevante chega a nós a través deste medio. Entre estes ruídos informativos podemos citar o ruído do motor que nos alertará de que todo funciona correctamente, ou non; o chifre dun axente; o pito doutro coche; as sirenas da policía indicándonos que nos deteñamos ou tamén as sirenas dun vehículo de emerxencia solicitándonos paso. 

Este problema é esencialmente perigoso en idades superiores ós 65 anos, onde as perdas auditivas son máis frecuentes. A OMS afirma que unha de cada tres persoas pertencentes a este rango de idade padece trastornos auditivos. A importancia é tal que nos Centros de Recoñecemento para condutores de España, o 2% dos informes médicos que se realizan están enfocados a comprobar a agudeza auditiva de cara á condución. 

Que di a DXT sobre as perdas auditivas

A DXT é moi clara en canto á combinación de perdas auditivas e condución, fixando determinadas restricións en relación ó porcentaxe de perda auditiva do individuo. Neste sentido, as persoas con perda de agudeza auditiva poderán seguir conducindo cos permisos non profesionais (turismos, motos...os do 1º grupo). Porén, se a perda de agudeza auditivo combinada en ambos oídos é superior ó 45%, estas deberán levar no vehículo un espello panorámico interior e retrovisores en ambos lado do vehículo. Se a perda auditiva combinada é superior ó 35%, estas persoas non poderán obter ou prorrogar permisos de conducir do grupo 2º, é dicir, permisos profesionais. 

O tráfico é unha das principais causas da contaminación acústica

A OMS cuñou o termo “contaminación acústica” no ano 2019 e fixou os ruídos provenientes do tráfico como unha das principais causas deste fenómeno, o cal é actualmente o segundo maior problema medioambiental en Europa (logo da contaminación do aire por mor das partículas). 

Esta problemática ten á súa vez un gran impacto na saúde provocando trastornos como o estrés, problemas de sono, afeccións das capacidades cognitivas, enfermidades cardiovasculares e respiratorias. Moitas delas, ademais, poden desembocar en patoloxías que afectan ós oídos. 

En datos, a AEMA (Axencia Española so Medio Ambiente) afirma que a exposición a altos niveis de ruído “xera un alto risco para a saúde das persoas” e estima que en Europa causa a morte prematura de ata 16.000 persoas, provocando estrés a 32 millóns de adultos e problemas co sono a outros 13 millóns. A mesma AEMA afirma que a contaminación acústica provinte do tráfico aféctalle a 100 millóns de persoas en toda Europa, das que 73 millóns viven en cidades. En España, os niveis excesivos de ruído aféctanlle a 12 millóns de persoas ó longo do día e a 9,5 millóns pola noite. Ademais, o ruído do tráfico por estrada causa o 80% da contaminación acústica presente nas zonas urbanas. 

Noticias relacionadas

Como se relacionan as depresións ca perda auditiva?

Como se relacionan as depresións ca perda auditiva?

16/08/2021 Social
Comunicarse cos demais e co entorno é unha das necesidades básicas do ser humano. Pensa nesas ocasións puntuais nas que non es capaz de comunicarte por non compartir idioma, por existir un ruído de fondo extremadamente alto ou por moitos outros motivos. É frustrante, verdade? Pois imaxínate que
O emprego de audífonos fai que melloren as nosas relacións sociais

O emprego de audífonos fai que melloren as nosas relacións sociais

05/07/2021 Social
O oído é un dos sentidos máis importantes do ser humano, aínda que non sempre lle prestemos a atención que merece. Non temos tan normalizadas ás visitas periódicas ós especialistas auditivos como si que as podemos ter ó/á dentista, por exemplo. Sen embargo, o seu coidado e revisión deberían ser
A saúde auditiva e o rendemento no traballo

A saúde auditiva e o rendemento no traballo

28/06/2021 Social
Á hora de relacionar a saúde auditiva co rendemento no noso posto de traballo son dúas as cuestións que teremos que abordar. Por unha banda o baixo rendemento asociado a unha doenza auditiva sen tratar e, por outro, aqueles danos que está sufrindo a nosa audición ó expoñela a ruídos continuados en
Cine e xordeira: que películas non te podes perder

Cine e xordeira: que películas non te podes perder

29/04/2021 Social
O cine é unha ventá ó mundo para moitas e diversas temáticas. Un escenario con moito poder para dar a coñecer ou informar ó gran público sobre temas que igual non contan aínda con moita presenza, ou non ca que deberían. E a xordeira e os problemas de comunicación son un deles. Porén, ó longo da