Coñece os servizos que ofrecemos nos nosos centros auditivos

Nos centros auditivos Oe+ realizamos meticulosamente unha serie de probas audiolóxicas mínimas e necesarias para poder darte a mellor solución sexa cal sexa a túa problemática.

Na primeira consulta as probas auditivas mínimas que realizamos son:

• Otoscopia / videotoscopia: para visualizar e comprobar o estado do seu oído externo e tímpano.

• Audiometría por vía aérea, vía ósea e umbrais de molestia: estas probas auditivas permiten comprobar o tipo e grao de perda auditiva así como a posible presenza de zonas cocleares mortas. De ser preciso realizaranse estas probas de forma enmascarada.

• Logoaudiometría: proporciona datos non só en canto á cantidade de perda auditiva senón á intelixibilidade e comprensión das palabras.

• Timpanometría: sempre que sexa posible a súa realización, esta proba facilita o estudo do oído medio

Outras probas

Outras probas en función dos resultados obtidos nas probas anteriores, xa que pode ser necesario a realización de probas complementarias como por exemplo:

• Enmascaramento
• Ten test
• SISI
• Tone decay
• Reflexo estapedial
• Fala en ruído
• Comprobación do rendemento cos seus audiófonos (no caso de telos)
• Acufenometría
• Webber audiométrico
• Campo libre
• Outras

Test auditivo online

No caso de pacientes con perda auditiva e, unha vez explicado o seu caso o máis preciso posible, ofrecerémoste a mellor solución personalizada, individualizada… tendo en conta que o noso obxectivo principal é mellorar a túa calidade auditiva e, polo tanto, a túa calidade de vida.

Contamos cos últimos avances tecnolóxicos no sector da audioloxía, así como dun amplo catálogo de produtos de todas as marcas, o que fai que sempre poidamos atopar a mellor solución para cada caso adaptándonos tanto ás esixencias da perda como do paciente.

Contactar

No caso de persoas xa usuarias de audiófonos pero que non están satisfeitas co resultado ou no caso de persoas ás que lle regalaron un audiófono sen estar adaptado para elas, Oe+ leva a cabo o reaxuste dos audiófonos sempre e cando sexan acordes para o problema auditivo que se presenta e coas características axeitadas.

Non dubides en consultar esta opción. A valoración é totalmente gratuíta.

Audioloxia pediátrica

Oe+ Ordes é un dos 6 centros en toda a provincia da Coruña autorizado pola Consellería de Sanidade para levar a cabo estudos auditivos e adaptacións pediátricas.

Avaliamos a audición dende os primeiros meses de vida, adaptando as probas á idade cognitiva de cada neno, co obxectivo de garantir unha audición funcional que favoreza o desenvolvemento da linguaxe e as capacidades cognitivas.

A elección dos audiófonos faise xunto coa familia, e as revisións periódicas son parte esencial do seguimento.

Traballamos de forma coordinada con médicos ORL, logopedas e mestres, e tamén adapta axudas técnicas como equipos FM ou bucles magnéticos para facilitar a escoita en situacións como o ámbito escolar.

Para aqueles pacientes con acúfenos / tinnitus, tanto acompañado de perda auditiva e hiperacusia ou presentando o tinnitus de forma illada, Oe+ pode ofrecer diversidade de tratamentos para cada caso.

Para valorar cada unha delas é necesario completar as probas auditivas realizando unha acufenometría completa pero tamén valorando o grado de afectación que o tinnitus xera no paciente. Ademais, tamén contamos con terapias sonoras personalizadas, xeradores de ruído ou audiófonos compatibles entre outras opcións.

Adaptación de audiófono no oído contralateral ao implante coclear. Este tipo de adaptación chamada adaptación bimodal implica uns parámetros e características específicos en canto á adaptación do audiófono que non son os mesmos que para as adaptacións tradicionais.

Ademais, a elección do audiófono pode fundamentarse en parte en que a conectividade que empregue sexa a mesma que a do implante, de forma que se poidan conseguir opcións bilaterais que non se poderían obter doutra forma.

Para aqueles que xa son clientes nosos e para evitar que se sintan incómodos ante situación de avarías ou reparacións do seu audiófono, ofrecemos audiófono de reposto en préstamo durante este proceso.

Para os que non son clientes habituais nosos ofrecemos o mesmo servizo de substitución durante a reparación pero cun custe.

Dedicámonos a adecuar a comunicación e información ás persoas con discapacidade sensorial auditiva facendo que calquera espazo, servizo ou produto sexa totalmente accesible.

Traballamos con diversas solucións técnicas e tecnolóxicas como sistemas FM, o bucle magnético, sistemas de conectividade ou opcións combinadas son algunhas das solucións a valorar para cada caso.

O equipo ACAM5 permite un axuste personalizado do audiófono baseado na resposta psicolóxica de cada usuario ante o son, superando os métodos clásicos de adaptación. O resultado é unha configuración á medida que combina a mellor intelixibilidade da fala cunha experiencia sonora cómoda e natural para o paciente.

Acádase, en resumo, unha sonoridade ó “gusto” do cliente mantendo a comprensión da palabra.

PEA co equipo Eclipse EP25 de Interacoustics

• Avaliamos a capacidade auditiva do paciente
• Avaliamos o rendemento coas próteses auditivas adaptadas tanto non implantables como implantables
• Realización de potenciais en campo sonoro
• Garantimos unha avaliación auditiva obxectiva e complementaria en poboación pediátrica, poboación anciá con deterioro cognitivo, poboación con autismo, TDAH, etc.

Leasing

Para aqueles aos que lles interese ter sempre o último en canto a tecnoloxía auditiva, Oe+ pon á súa disposición a opción de leasing. Podes pagar unha entrada seguida de pagos mensuais e ao cabo duns meses decidir finalizar de mercar o teu audiófono ou ben realizar un cambio por un modelo máis actual.

Esta é unha opción especialmente dirixida para os nenos e nenas para os cales existe a posibilidade de cambio cada 4 anos segundo o catálogo ortoprotésico de Galicia.

Consulta as condicións

Formación

Implicados coa problemática do paciente con perda auditiva, Oe+ colabora ofrecendo gratuitamente cursos de formación a persoal sanitario de centros de día, xeriátricos, asistencia domiciliaria... na atención da persoa con perda auditiva e no uso e mantemento das próteses auditivas destas persoas.

Ademais, colaboramos coa formación dos estudantes de audioloxía protésica durante a súa estadía en prácticas nos centros auditivos Oe+.

Orientación

Sempre dentro dunha visión multidisciplinar, nos centros auditivos Oe+ se ofrece orientación e asesoramento sen compromiso en canto a diversos aspectos: educación, sanitario, social, laboral...

Renting-Alugueiro

Con este servizo o cliente so se preocupará de pagar unha cota mensual fixa durante o período de uso do audiófono, devolvéndose a Oe+ cando o cliente xa non o necesita.

• IMPORTANTE: Esta opción so está dirixida a aqueles clientes que son usuarios das institucións e empresas coas que Oe+ ten convenio (centros de día, residencias xeriátricas, pisos tutelados…)