Que facer se padecemos tinnitus e non damos durmido

Publicado: 16 de xuño de 2021, 20:50
  1. Recomendacións
Que facer se padecemos tinnitus e non damos durmido

O tinnitus é unha molestia auditiva que consiste na escoita continuada dun son similar a un zumbido ou a un pititdo, sen que exista un elemento real que os produza. O tinnitus, tamén coñecido como acúfenos, soe vir xerado por unha afección subxacente como a perda auditiva relacionada ca idade, unha lesión no oído ou un trastorno do aparello circulatorio. Moitas persoas din que notan melloría en canto ó padecemento de tinnitus cando a notan tamén nesas molestias previas; outras empregan outros sistemas como uso de tapóns para disimular esa sensación. 

Pero unha das peores consecuencias desta problemática e que lle afecta á maior parte de quen a padece son as dificultades para conciliar o sono. A continuación dámosvos uns consellos para conseguir tratar de facer máis liviás esas noites.

Consellos para conseguir durmir mellor cando se padece tinnitus

  • Ir á cama máis ou menos á mesma hora todas as noites e poñer o espertador para a mesma hora todas as mañás. 
  • Camiñar ou facer un pouco exercicio cada día, pero nunca antes de ir para a cama. 
  • Pechar as cortinas e persianas para que a habitación esté o suficientemente escura para  conseguir durmir e tratar de manter tamén unha temperatura agradable. 
  • Evitar ver a televisión na cama e tamén comer ou ler se estamos nela. 
  • Durmir deitado de costas ou de lado e evitar durmir boca abaixo. 
  • Evitar durmir a sesta. Se nos atopamos cansados pola tarde é mellor saír camiñar que durmir, se o facemos non o conseguiremos pola noite. 
  • Evitar alimentos e bebidas que conteñan cafeína. Incluímos aquí, ademais do café, o té e o chocolate. Non beber nunca alcohol unha hora ou dúas antes de ir durmir. 
  • En xeral, evitar facer calquera actividade que estimule o corpo ou a mente antes de ir a durmir. Complicaranos moito a conciliación do sono. 
  • Empregar un ventilador ou un emisor de ruído branco para contrarrestar a molestia dos pitidos.
  • Establecer unha rutina diaria antes de ir para cama. Unha rutina que nos permita relaxarnos. 
  • Unha vez deitados, respirar profundamente e relaxarse. Sentir que os músculos se relaxan e pensar en cousas agradables. 

Se levadas a cabo estas rutinas aínda che segue resultando moi complicado conseguir durmir, o último que debes facer é permanecer na cama. Isto conducirate a unha situación de nerviosismo, estrés e angustia; polo que é mellor erguerse e realizar algunha actividade que nos permita relaxarnos

Noticias relacionadas

Como comunicarse cun alumno que sofre discapacidade auditiva?

Como comunicarse cun alumno que sofre discapacidade auditiva?

20/09/2022 Recomendacións
Cando falamos de discapacidade auditiva referímonos a calquera problema de oído que afecte á audición das persoas, polo que podemos atoparnos diferentes tipos en función da causa da perda, da idade e do grado. Así, haberá persoas que podan seguir unha conversa con facilidade e outras con
Consellos para convivir con persoas con problemas auditivos

Consellos para convivir con persoas con problemas auditivos

02/08/2022 Recomendacións
Cando unha persoa sofre perda auditiva, os seus familiares e achegados teñen un papel moi importante para conseguir unha boa comunicación con ela para evitar malentendidos, mellorar a convivencia e as relacións sociais en xeral. Como axudar a unha persoa con perda auditiva Sobre todo, tendo
De festival cos nenos. Como protexer os seus oídos?

De festival cos nenos. Como protexer os seus oídos?

06/07/2022 Recomendacións
Verbenas, concertos e festivais supoñen un risco para a saúde auditiva. Escoitar música cun elevado volumen durante un longo periodo de tempo pode provocar danos irreparables como pode ser acúfenos, pérdida de audición ou hipoacusia. Protexer os oídos en situacións laborais moi ruidosas e nocivas
Como afecta a primavera ao noso oído

Como afecta a primavera ao noso oído

31/03/2022 Recomendacións
Coa chegada da primavera comeza o bo tempo, pero para moitas persoas tamén supón a época das molestas alerxias.  A floración e polinización das plantas provoca nunha gran parte da poboación alteracións de carácter respiratorio como estornudos, irritación de ollos, conxestión nasal, otitis e perda