¿Que tipo de audífono é mellor para o oído?

Seleccionar o audífono adecuado é unha decisión clave para mellorar a comprensión da fala, a calidade da audición e, en xeral, o benestar diario. Non todos os audífonos serven para todos os tipos de perda auditiva nin para todos os perfís de usuario. Por iso, é importante coñecer como funcionan, que tipos existen e que factores debemos valorar antes de elixir.

A continuación explicamos de maneira clara os diferentes formatos, tecnoloxías e recomendacións para que poidas tomar unha decisión informada.

Pero antes, por se aínda non nos coñeces, deixámoste aquí un artigo para La Voz de Galicia, para que saibas un pouco máis de nós.

OE+, un centro auditivo en Cee para oír más y mejor

Cómo elixir o audífono adecuado para o teu oído

O audífono correcto depende de tres aspectos principais:

• O grao de perda auditiva (leve, moderada, severa ou profunda).
  
  

• A anatomía e sensibilidade do conduto auditivo.
  
  

• O estilo de vida da persoa usuaria (actividade, comodidade, estética e facilidade de uso).
  
  

Usar o audífono axeitado é esencial para:

• Mellorar a comprensión da fala.
  
  

• Reducir o esforzo auditivo.
  
  

• Evitar o illamento social.
  
  

• Previr unha maior deterioración auditiva no tempo.
  
  

¿Que é un audífono e como funciona?

Un audífono é un dispositivo electroacústico que amplifica os sons para que a persoa que o emprega poida escoitalos con maior claridade.

Os seus compoñentes principais son:

• Micrófonos: captan o son ambiente.
  
  

• Procesador ou amplificador: interpreta e axusta o son segundo a perda auditiva.
  
  

• Auricular: envía o son procesado ao conduto auditivo.
  
  

• Fonte de alimentación: pila desbotable ou batería recargable.
  
  

Hoxe en día, os audífonos funcionan como pequenos ordenadores: canto máis eficiente sexa o seu procesador, mellor rendemento e mellor comprensión da palabra ofrecerán.

Tipos de audífonos segundo a fonte de alimentación

Audífonos con pila

Funcionan con pilas desbotables que se cambian manualmente.
Vantaxes:

• Maior independencia de cargas.
  
  

• Útiles en persoas con uso intermitente.
  
  

Inconvenientes:

• Requiren troco periódico da pila.
  
  

• Pode ser incómodo en persoas con pouca mobilidade nos dedos.
  
  

Audífonos con batería recargable

Cárganse nunha base, igual que un teléfono móbil.

Vantaxes:

• Máis cómodos no día a día.
  
  

• Sustentables, sen pilas desbotables.
  
  

• Ideais para uso continuado.
  
  

Inconvenientes:

• Dependencia da carga.
  
  

• Lixeiramente máis custosos.

Tipos de audífonos segundo o deseño e a colocación no oído

O formato do audífono depende principalmente da ubicación das súas partes no oído. Podemos distinguilos en dúas categorías principais:

1. Audífonos colocados 100% dentro do conduto auditivo (Intra canal)

Son audífonos moi discretos, feitos á medida. Varian en tamaño:

Vantaxes:

• Moi discretos.
  
  

• Máis naturais esteticamente.
  
  

Inconvenientes:

• Non recomendables para perdas auditivas severas.
  
  

• Poden ser difíciles de manipular se o conduto é moi estreito.
  
  

2. Audífonos cunha parte dentro do conduto e outra detrás da orella

Aquí encontramos dous formatos principais:

RIC (Receiver-In-Canal)

O auricular introdúcese no conduto auditivo, mentres que a carcasa (con micrófonos, amplificador e batería) queda detrás da orella.

Vantaxes:

• Tamaño máis pequeno e discreto.
  
  

• Son máis lixeiros e cómodos.
  
  

• Excelente calidade sonora.
  
  

BTE (Behind-The-Ear)

Toda a tecnoloxía está na carcasa que se apoia detrás da orella. O son condúcese ao oído mediante un tubo conectado a un molde estándar ou feito a medida.

Vantaxes:

• Son máis robustos.
  
  

• Adecuados para perdas auditivas severas ou profundas.
  
  

• Máis fáciles de manipular.
  
  

Inconvenientes:

• Esteticamente máis visibles.
  
  

• Poden resultar un pouco voluminosos.
  
  

Tipos de audífonos segundo a tecnoloxía (gamas ou niveis)

A tecnoloxía do audífono determina como procesa o son. Un nivel tecnolóxico superior non significa que o audífono amplifique máis, senón que o fai de forma máis intelixente.

As características técnicas clave que debemos ter en conta son:

• Relación sinal/ruído: capacidade para mellorar a voz fronte ao ruido.
  
  

• Direccionalidade: os micrófonos adaptan a captación do son cara á fonte principal da fala.
  
  

• Transposición frecuencial: permite “mover” sons de frecuencias altas a outras máis audibles para o usuario.
  
  

Canto máis avanzado sexa o procesador, mellor será a comprensión da palabra, especialmente en ambientes ruidosos (bares, festas, conversacións en grupo…).

¿Que tipo de audífono é mellor para cada necesidade?

Para perda auditiva leve ou moderada

• RIC
  
  

• CIC ou ITC, se buscamos discreción.
  
  

Para adultos novos e maiores

• BTE ou RIC, segundo mobilidade dos dedos e visión.
  
  

• Recoméndase batería recargable.
  
  

Para nenos

• BTE con molde a medida (permite adaptalo ó crecemento da orella).
  
  

• Máis resistente e estable.
  
  

Para deportistas ou persoas activas

• RIC ou intra-canal con bo acoplamento e protección contra suor.
  
  

• Fixación cómoda e discreta.
  
  

Consellos para elixir o mellor audífono para ti

• Realiza unha proba auditiva completa cun especialista. Podes facela con nós nos nosos centros de Cee, Ordes e Lalín (A Coruña).
  
  

• Proba diferentes modelos antes de decidir.
  
  

• Prioriza a comodidade antes que a estética.
  
  

• Se usas lentes, ten en conta o espazo detrás da orella.
  
  

• Valora o teu nivel de actividade e o tipo de ambientes sonoros que frecuentas.
  
  

• Consulta a posibilidade de axustes e revisións periódicas.
  
  

Conclusión: o mellor audífono é o que se adapta a ti

Non existe un “mellor audífono” universal. O mellor é o que se adapta ás túas necesidades auditivas, ao teu estilo de vida e á túa comodidade. Por iso, o máis recomendable é consultar cun especialista que poida ofrecer unha avaliación personalizada e acompañarte durante o proceso de adaptación.