Cine e xordeira: que películas non te podes perder

Publicado: 29 de abril de 2021, 10:45
  1. Social
Cine e xordeira: que películas non te podes perder

O cine é unha ventá ó mundo para moitas e diversas temáticas. Un escenario con moito poder para dar a coñecer ou informar ó gran público sobre temas que igual non contan aínda con moita presenza, ou non ca que deberían. E a xordeira e os problemas de comunicación son un deles. Porén, ó longo da historia fóronse creando algúns filmes de forma illada nos que si que se lles deu visibilidade. Ímoschos amosar e contarche algo de cada un deles para que os teñas en conta no teu próximo domingo de “sofá, peli e manta”.

5 películas que abordan a temática da xordeira

     1. El milagro de Ana Sullivan (Arthur Penn, 1962)

Cine e xordeira: que películas non te podes perder - Imagen 6

A película versa sobre a relación existente entre Helen, unha nena que padece xordeira e cegueira e a cal medrou sen ningún tipo de disciplina e sobreprotexida por seus pais; e pola súa profe Ana, tamén cega e a cal loita por redimirse da culpa que arrastra pola morte do seu irmán. Ana ve na educación de Helen a súa forma de compensar esta culpa e consegue, pouco a pouco, facer dela unha persoa máis independente, con máis valor e tamén unha persoa máis sociable. Esta historia é todo un referente dentro do mundo da educación. 

     2. Hijos de un dios menor (Randa Haines, 1986)

Cine e xordeira: que películas non te podes perder - Imagen 8

A temática que presenta este filme é a comunicación a través da lingua de signos, aínda que a base sobre a que se apoia son as consecuencias que provoca no ser humano a incapacidade de comunicarse con normalidade, transcendendo así a sentimentos máis universais. 

     3. La familia Bélier (Éric Lartigau, 2014)

Cine e xordeira: que películas non te podes perder - Imagen 3

O enfoque desta película é diferente. Nela, quen se sente diferente e illado é a única persoa oínte dunha familia na que todos son xordos. Afrontada desde unha perspectiva cálida, humana e divertida, a película presenta a personaxes que, pese a sufrir dificultades de audición e por consecuencia, comunicativas, están plenamente adaptados á sociedade.

     4. A silent voice (Naoko Yamada, 2018)

Cine e xordeira: que películas non te podes perder - Imagen 4

Esta película de animación xaponesa narra a historia de Shoko, unha rapaza con xordeira que chega nova a un colexio. Aquí, todos a reciben cos brazos abertos, agás Shoya, que a rexeita e non amosa ningunha empatía cara ela. O filme fala así do medo cara o descoñecido e a dificultade de enfrontarse ós problemas que van xurdindo no día a día.

     5. Un lugar tranquilo (John Krasinki, 2018)

Cine e xordeira: que películas non te podes perder - Imagen 5

A protagonista desta película loada pola crítica é unha familia que se comunica a través da lingua de signos. Pero pese a que unha das súas integrantes, Regan, padece xordeira, o motivo polo que só se comunican a través desta vía é outro: se non permanecen en absoluto silencio, unha ameza mundial conduciraos á morte. 

Noticias relacionadas

Como se relacionan as depresións ca perda auditiva?

Como se relacionan as depresións ca perda auditiva?

16/08/2021 Social
Comunicarse cos demais e co entorno é unha das necesidades básicas do ser humano. Pensa nesas ocasións puntuais nas que non es capaz de comunicarte por non compartir idioma, por existir un ruído de fondo extremadamente alto ou por moitos outros motivos. É frustrante, verdade? Pois imaxínate que
O emprego de audífonos fai que melloren as nosas relacións sociais

O emprego de audífonos fai que melloren as nosas relacións sociais

05/07/2021 Social
O oído é un dos sentidos máis importantes do ser humano, aínda que non sempre lle prestemos a atención que merece. Non temos tan normalizadas ás visitas periódicas ós especialistas auditivos como si que as podemos ter ó/á dentista, por exemplo. Sen embargo, o seu coidado e revisión deberían ser
A saúde auditiva e o rendemento no traballo

A saúde auditiva e o rendemento no traballo

28/06/2021 Social
Á hora de relacionar a saúde auditiva co rendemento no noso posto de traballo son dúas as cuestións que teremos que abordar. Por unha banda o baixo rendemento asociado a unha doenza auditiva sen tratar e, por outro, aqueles danos que está sufrindo a nosa audición ó expoñela a ruídos continuados en
Gozar dunha boa saúde auditiva é esencial se conduces

Gozar dunha boa saúde auditiva é esencial se conduces

01/04/2021 Social
Gozar dunha boa saúde auditiva é esencial se conducimos dado que moita da información relevante chega a nós a través deste medio. Entre estes ruídos informativos podemos citar o ruído do motor que nos alertará de que todo funciona correctamente, ou non; o chifre dun axente; o pito doutro coche; as