3 usos dos tapóns individualizados

Publicado: 25 de outubro de 2022, 14:51
  1. Recomendacións
3 usos dos tapóns individualizados

O uso de tapóns para evitar un dano producido polo ruído ambiental, ben sexa nun entorno laboral ou ben nunha situación de ocio, están á orde do día.

Mais a pesar diso, o uso destes elementos tan coñecidos pasa desapercibido noutras actividades nas que o beneficio que ofrecen pode cambiarnos, literalmente, a vida.

 

Tapóns individualizados para favorecer o sono

Coidar o sono ao longo do noso período de descanso pode ser ás veces complicado, debido aos sons que podemos ter no noso ambiente máis achegado, como poden ser os ronquidos, ou os ruídos da rúa e do tráfico. Dado que na maioría destas ocasións resulta case imposible atender a unha modificación sobre as fontes de ruído, o uso de tapóns como remedio pouco invasivo pode resultar definitivo para favorecer ou solucionar de cheo a vixilia ou mal durmir de quen se ve afectado polas susoditas molestias sonoras.

Persoas que teñen quendas fixas de noite ou rotatorias, alterando así os seus ciclos de sono, son habitualmente sufridoras destas situacións.

 

Mellorar a concentración co uso de tapóns 

O uso de tapóns para axudar coa concentración durante o estudo ou a lectura, son outros motivos polos que as persoas deciden facer uso de tapóns individualizados. A mellora da experiencia que proporciona unha redución de posibles distraccións, consegue optimizar os resultados obtidos durante o tempo invertido en actividades que requiren dunha atención e introversión plena.

Se tes que afrontar un período de exames ou estás a preparar unha oposición, non dubides en probar os tapóns como método de concentración. 

 

Tapóns para procesos meditativos

Quizais é o uso menos coñecido por todos, pero os tapóns tamén axudan á inmersión en procesos meditativos. Mindfulness, meditación vipassana, meditación zazen ou simplemente, introspección en silencio, son diferentes técnicas que procuran unha quietude mental que pode verse interrompida por elementos externos, principalmente sonoros e con maior probabilidade nos inicios deste tipo de prácticas, cando o nivel de concentración e abstracción do practicante son máis febles. 

 

Para obter un mellor resultado, os tapóns recoméndase adquirilos sempre como individualizados, é dicir, feitos a medida, principalmente se a actividade ten vistas de prolongarse no tempo.

A valoración previa por parte dun profesional especialista en audioloxía protésica, a comodidade que nos ofrecen evitando dores ou que se saian das orellas a cada pouco, así como a súa maior durabilidade (mínimo 3 anos) e hixiene xa que se poden limpar facilmente, inclina a balanza ao seu favor en detrimento dos tapóns de uso temporal con materiais que se degradan ao pouco, como espumas ou ceras.

Para durmir máis, concentrarte máis e desfrutar máis dun libro... achégate a calquera dos nosos centros auditivos Oe+ e avaliaremos a túa necesidade para darche a solución máis axeitada.

Noticias relacionadas

En inverno hai que abrigarse os oídos

En inverno hai que abrigarse os oídos

17/01/2023 Recomendacións
Durante esta época do ano o corpo humano perde calor con maior facilidade a través das extremidades, como poden ser as orellas. O aire frío e seco pode deshidratar a pel e o tecido interno do oído, o que pode causar dor, inflamación e nalgúns casos infeccións. Como inflúe o frío? O noso corpo
Desfruta do Nadal cos 5 sentidos

Desfruta do Nadal cos 5 sentidos

15/12/2022 Recomendacións
Chegan as festas do Nadal e con elas, as reunións de familia, amigos e compañeiros de traballo. Son momentos para pasalos conversando e rindo, o que require interacción co grupo. Se sofres perda de audición, pode que teñas inseguridade á hora de establecer unha conversa, pero para evitar a
Como inflúe a hipoacusia no deterioro cognitivo?

Como inflúe a hipoacusia no deterioro cognitivo?

10/11/2022 Recomendacións
A hipoacusia está directamente ligada ao envellecemento mediante o desgaste e a perda de audición asociada á idade, pero esta non é o único factor de risco para desenvolver demencia. Ao redor do 35% dos casos pódense atribuír a doce factores de risco que son potencialmente modificables ou
Como comunicarse cun alumno que sofre discapacidade auditiva?

Como comunicarse cun alumno que sofre discapacidade auditiva?

20/09/2022 Recomendacións
Cando falamos de discapacidade auditiva referímonos a calquera problema de oído que afecte á audición das persoas, polo que podemos atoparnos diferentes tipos en función da causa da perda, da idade e do grado. Así, haberá persoas que podan seguir unha conversa con facilidade e outras con