Poden a humidade e o frío deteriorar o teu audífono?

Publicado: 09 de outubro de 2021, 22:47
  1. Recomendacións
Poden a humidade e o frío deteriorar o teu audífono?

A chegada do outono e posteriormente o inverno implica unha baixada das temperaturas acompañada dun aumento da humidade. E estas son condicións que lle poden afectar tamén ó correcto funcionamento dos nosos audífonos. Lembrade que estes aparellos, dependendo do caso, poden ser arranxados pero se o dano é moi profundo, pode resultar un pouco máis caro. Por iso vos traemos unha serie de consellos para que coidedes da forma correcta os vosos audífonos nos seguintes meses.

Pero, antes de nada, que partes do audífono se poden ver máis afectadas?

A parte que máis pode sufrir a chegada do frío son as baterías. Os cambios bruscos de temperatura nesta época do ano e os grandes contrastes entre os ambientes climatizados no interior e o exterior incrementan o nivel de humidade que pode danar os circuítos e compoñentes das baterías. 

Pero a humidade e o frío tamén lle poden afectar a outras partes como o micrófono ou o receptor. O problema é que neste caso os danos soen ser bastante complicados de identificar e, cando se fai, xa é demasiado tarde e o audífono precisa ser substituído. Ademais, un contacto continuo con climas húmidos tamén pode derivar na corrosión do aparello. 

Pois ben, aínda que estes danos soen pasar desapercibidos, si que existen certas sinais que te poden alertar sobre un problema ca humidade:

  • O audífono córtase durante os ruídos fortes.
  • O son desvanécese ou vai e ven continuamente.
  • Os sons escóitanse distorsionados e non son nítidos. 

Como podemos coidar os nosos audífonos nos meses fríos?

A continuación dámosvos uns consellos para coidar os audífonos en inverno e para evitar que, se sofren algún dano, rematen por deteriorarse de todo:

  1. Se algunha parte do audífono, como a batería, vemos que está corroída e que presenta unha sustancia esbrancuxada, o máis axeitado é desbotar esa e adquirir unha nova.
  2. Para evitar a corrosión dos conectores, débense limpar frecuentemente cun pano seco para eliminar a humidade.
  3. Debemos poñer moita atención na parte do audífono que se introduce no conduto auditivo e comprobar que non se atopa obstruída por ningunha sustancia.
  4. Coma sempre, se non sabes exactamente que lle ocorre ó teu aparello, acude a un especialista para detectar o fallo a tempo e evitar que se deteriore por completo. 

Noticias relacionadas

Como inflúe a hipoacusia no deterioro cognitivo?

Como inflúe a hipoacusia no deterioro cognitivo?

10/11/2022 Recomendacións
A hipoacusia está directamente ligada ao envellecemento mediante o desgaste e a perda de audición asociada á idade, pero esta non é o único factor de risco para desenvolver demencia. Ao redor do 35% dos casos pódense atribuír a doce factores de risco que son potencialmente modificables ou
3 usos dos tapóns individualizados

3 usos dos tapóns individualizados

25/10/2022 Recomendacións
O uso de tapóns para evitar un dano producido polo ruído ambiental, ben sexa nun entorno laboral ou ben nunha situación de ocio, están á orde do día. Mais a pesar diso, o uso destes elementos tan coñecidos pasa desapercibido noutras actividades nas que o beneficio que ofrecen pode cambiarnos,
Como comunicarse cun alumno que sofre discapacidade auditiva?

Como comunicarse cun alumno que sofre discapacidade auditiva?

20/09/2022 Recomendacións
Cando falamos de discapacidade auditiva referímonos a calquera problema de oído que afecte á audición das persoas, polo que podemos atoparnos diferentes tipos en función da causa da perda, da idade e do grado. Así, haberá persoas que podan seguir unha conversa con facilidade e outras con
Consellos para convivir con persoas con problemas auditivos

Consellos para convivir con persoas con problemas auditivos

02/08/2022 Recomendacións
Cando unha persoa sofre perda auditiva, os seus familiares e achegados teñen un papel moi importante para conseguir unha boa comunicación con ela para evitar malentendidos, mellorar a convivencia e as relacións sociais en xeral. Como axudar a unha persoa con perda auditiva Sobre todo, tendo