Consellos para usar os auriculares

Publicado: 28 de decembro de 2021, 23:08
  1. Recomendacións
Consellos para usar os auriculares

Un dos agasallos máis populares do Nadal son os auriculares.  Usámolos para escoitar música, falar por teléfono e en videochamadas .

Sabías que un uso inadecuado dos auriculares pode repercutir na nosa saúde  auditiva? Case o 50% das persoas están expostas a niveis de ruído prexudiciais por mor destes dispositivos, segundo a Organización Mundial da Saúde (OMS).

Un uso prolongado dos auriculares a un volume excesivo pode danar os nosos oídos, causar perda de audición ou outras patoloxías como os acúfenos ou  tinnitus.

Para que a exposición ao son a través destes dispositivos sexa o menos prexudicial posible é importante seguir estas recomendacións:

  1. Respectar o nivel seguro de exposición ao ruído. Isto significa axustar o volume a un nivel cómodo en ambiente tranquilo, de modo que non supere o 60% do nivel de volume máximo que permite o aparello. Neste sentido os cascos (auriculares externos) son máis recomendables que os auriculares xa que illan do ruído da contorna, o que permiten oír o son con claridade a un volume máis baixo que se o facemos con auriculares. Ademais, o son dos auriculares entra dunha forma directa no oído e poden lesionalos máis.
  2. Limitar o tempo de exposición ao son cando o facemos a través de cascos ou auriculares e facer descansos cando a exposición é prolongada. Os expertos aconsellan seguir a regra do 60/60: non máis de 60 minutos de escoita ao día a un máximo de 60 decibeis. Tenta realizar descansos duns cinco minutos por cada hora seguida
    Escoitar música a un volume elevado pode ser  tentador, pero deixará de selo se somos conscientes de que, ao cabo de poucos anos, perderemos sensibilidade para percibir matices e tons. Se se quere seguir gozando da música ao longo do tempo, debemos vixiar o volume.

Se habitualmente escoitamos música a todo volume é recomendable someterse a revisións periódicas de audición para saber se se está danando o oído.

Asemade, se aparecen zumbidos nos oídos, significa que se está sufrindo fatiga  auditiva. O normal é que os  zumbidos desaparezan. Con todo, se persisten ou se manifestan cada vez que se utilizan os auriculares, é recomendable acudir a un profesional para que valore se existe un problema de audición.

Noticias relacionadas

Como comunicarse cun alumno que sofre discapacidade auditiva?

Como comunicarse cun alumno que sofre discapacidade auditiva?

20/09/2022 Recomendacións
Cando falamos de discapacidade auditiva referímonos a calquera problema de oído que afecte á audición das persoas, polo que podemos atoparnos diferentes tipos en función da causa da perda, da idade e do grado. Así, haberá persoas que podan seguir unha conversa con facilidade e outras con
Consellos para convivir con persoas con problemas auditivos

Consellos para convivir con persoas con problemas auditivos

02/08/2022 Recomendacións
Cando unha persoa sofre perda auditiva, os seus familiares e achegados teñen un papel moi importante para conseguir unha boa comunicación con ela para evitar malentendidos, mellorar a convivencia e as relacións sociais en xeral. Como axudar a unha persoa con perda auditiva Sobre todo, tendo
De festival cos nenos. Como protexer os seus oídos?

De festival cos nenos. Como protexer os seus oídos?

06/07/2022 Recomendacións
Verbenas, concertos e festivais supoñen un risco para a saúde auditiva. Escoitar música cun elevado volumen durante un longo periodo de tempo pode provocar danos irreparables como pode ser acúfenos, pérdida de audición ou hipoacusia. Protexer os oídos en situacións laborais moi ruidosas e nocivas
Como afecta a primavera ao noso oído

Como afecta a primavera ao noso oído

31/03/2022 Recomendacións
Coa chegada da primavera comeza o bo tempo, pero para moitas persoas tamén supón a época das molestas alerxias.  A floración e polinización das plantas provoca nunha gran parte da poboación alteracións de carácter respiratorio como estornudos, irritación de ollos, conxestión nasal, otitis e perda