Cando unha persoa sofre perda auditiva, os seus familiares e achegados teñen un papel moi importante para conseguir unha boa comunicación con ela para evitar malentendidos, mellorar a convivencia e as relacións sociais en xeral.
Como axudar a unha persoa con perda auditiva
Sobre todo, tendo paciencia e poñéndose no seu lugar. Hai que recomendarlles revisar a audición, animalos a probar unha adaptación con audífonos e seguir os consellos do centro auditivo.
Se xa teñen audífonos, recordarlles que fagan revisións periódicas e non berrarlles, hai que vocalizar ben e falar de fronte para que teñan apoio da beizolectura. Tamén hai que ter en conta os espazos ruidosos, evitando falarlles nestas circunstancias.
En moitas ocasións, estas persoas evitan coincidir cos veciños, xogar a partida, estar sentadas á mesa ou falar por teléfono porque non son capaces de seguir unha conversa. Isto aféctalles á súa autoestima e independencia, podendo dar lugar a confusións ou á perda de confianza no seu entorno.
Un audífono non é un psicólogo, pero axuda en todos os aspectos vitais, mellora a memoria e en casos de demencia, oír ben favorece un mellor funcionamento cerebral, axudando a retrasar a evolución deste tipo de patoloxías.
A chegada da COVID-19 e o uso de máscara descubriu numerosos problemas auditivos. Se queres revisar o teu oído, ponte en contacto con nós e pide cita.