Consellos para evitar o ruído ambiente se empregas audífonos

Publicado: 13 de maio de 2021, 12:20
  1. Recomendacións
Consellos para evitar o ruído ambiente se empregas audífonos

Para a maioría de persoas que empregan audífonos, un dos maiores problemas ós que se enfrontan é o ruído ambiente. Estes aparellos fan que a súa escoita mellore notablemente pero a situación segue volvéndose complexa se se atopan nun contexto no que interveñen moitos sons á vez. Se estás nesta situación ou coñeces a alguén que o estea, tes que saber que o normal non é convivir con elo, hai que buscar a maneira de tratar esa problemática para que non chegue a afectarlle ó día a día e á relación cos demais. 

Neste artigo darémosvos algún consello para tratar de atallar esta problemática e desfrutar dunha audición máis clara.

Novas tecnoloxías nos audífonos

Moitos audífonos inclúen tecnoloxías de filtrado de ruído a través das cales podes escoller diferentes configuracións e filtros que se poden controlar, por exemplo, a través do móbil. Están deseñadas de forma específica para identificar e baixar o ruído de fondo, dándolle prioridade así ós sons importantes. 

Estes audífonos pódense configurar para adaptalos ó entorno no que esteamos como pode ser un bar, un concerto, teatro, unha conferencia... Incluso tamén poden darlle máis presenza ós sons que chegan dende unha determinada dirección. 

Proximidade co emisor

Se empregas audífonos, ou incluso se gozas dunha capacidade auditiva normal, é moi importante manter unha distancia axeitada co interlocutor. Isto evitará a interferencia de terceiros ruídos do entorno. Ademais, isto tamén favorecerá a linguaxe a través dos movementos corporais, dos xestos e das expresións. 

Se non se escoita ben, non hai que tratar de disimulalo

Un mal hábito que adoitan ter as persoas portadoras de audífonos é disimular cando non son capaces de comprender unha mensaxe. Isto é totalmente contraproducente porque o único que se consegue é prexudicar a fluidez da conversa e impedir que os interlocutores se esforcen por transmitir a mensaxe de forma máis clara. 

A elección do lugar

Se vamos a ter unha reunión, unha cea ou calquera tipo de evento, sempre será mellor escoller espazos cuxas características permitan unha mellor escoita. Espazos máis tranquilos e nos que se xunten menos persoas para evitar así unha maior cantidade de ruídos de fondo. 

Evitar o estrés

Tratar de manter conversas dentro de ambientes con moita xente pode xerar situacións de estrés para as persoas con perda auditiva ó percibir demasiados estímulos sonoros e de distintos niveis. Isto dificultará aínda máis a conversa posto que se poden dar momentos de bloqueo e de frustración. Os ambientes menos concorridos axudarán a manter a tranquilidade e a concentración, facendo fluír moito mellor a comunicación. 

 

Coma sempre, se aínda así sentes que tes demasiadas dificultades para escoitar ó teu interlocutor, acude ó teu especialista en audioloxía para que valore a adaptación ou cambio dos teus audífonos. 

Noticias relacionadas

En inverno hai que abrigarse os oídos

En inverno hai que abrigarse os oídos

17/01/2023 Recomendacións
Durante esta época do ano o corpo humano perde calor con maior facilidade a través das extremidades, como poden ser as orellas. O aire frío e seco pode deshidratar a pel e o tecido interno do oído, o que pode causar dor, inflamación e nalgúns casos infeccións. Como inflúe o frío? O noso corpo
Desfruta do Nadal cos 5 sentidos

Desfruta do Nadal cos 5 sentidos

15/12/2022 Recomendacións
Chegan as festas do Nadal e con elas, as reunións de familia, amigos e compañeiros de traballo. Son momentos para pasalos conversando e rindo, o que require interacción co grupo. Se sofres perda de audición, pode que teñas inseguridade á hora de establecer unha conversa, pero para evitar a
Como inflúe a hipoacusia no deterioro cognitivo?

Como inflúe a hipoacusia no deterioro cognitivo?

10/11/2022 Recomendacións
A hipoacusia está directamente ligada ao envellecemento mediante o desgaste e a perda de audición asociada á idade, pero esta non é o único factor de risco para desenvolver demencia. Ao redor do 35% dos casos pódense atribuír a doce factores de risco que son potencialmente modificables ou
3 usos dos tapóns individualizados

3 usos dos tapóns individualizados

25/10/2022 Recomendacións
O uso de tapóns para evitar un dano producido polo ruído ambiental, ben sexa nun entorno laboral ou ben nunha situación de ocio, están á orde do día. Mais a pesar diso, o uso destes elementos tan coñecidos pasa desapercibido noutras actividades nas que o beneficio que ofrecen pode cambiarnos,