As 5 probas básicas para detectar problemas de audición

Estamos no momento dos famosos propósitos de ano novo. Moitos falan de comezar a facer deporte, de comer mellor, de deixar de fumar, de traballar aspectos de autoestima... pero estaría tamén moi ben comezar a falar de prestar máis atención á saúde auditiva dado que é algo que nos pode afectar en moitos outros aspectos da vida.

Se notas algunha anomalía na túa audición ou se te queres someter a unhas probas xenéricas que te informen do estado do teu sentido auditivo, estas son as 5 probas básicas que un audiólogo ou audióloga che pode realizar:

Audiometría tonal: durante esta proba analízase a tonalidade do son e o umbral auditivo do paciente. Esta proba realízase nun lugar específico como son as cabinas de audiometría e extráense os resultados nunha gráfica chamada audiograma. Pódese realizar de dúas maneiras, por vía aérea ou por vía ósea. Na primeira delas taponarase un oído e comprobarase se se escoitan todos os sons polo outro; na segunda empregarase un obxecto que vibre como un diapasón que faremos soar cerca das orellas para examinar a capacidade auditiva.
Timpanometría: é un exame que se realiza para comprobar o estado do oído medio e a mobilidade que teñen o tímpano e os osiños cando provocamos variacións da presión do aire no canle auditivo. Os seus resultados téñense que poñer en relación co audiograma.
Logoaudiometría: é o test que se relaciona ca comprensión de fonemas, palabras ou frases. Con el, os audiólogos miden a comprensión verbal do paciente a través dun discurso repetitivo. Colócanlle uns cascos e este deberá repetir todo aquilo que escoite a través deles. Esta proba serve para entender se o estado da saúde auditiva lle pode afectar á capacidade de comprensión da linguaxe.
Impedanciometría: nesta proba compróbase o comportamento da onda sonora no oído medio. Para iso introdúcese unha sonda no oído externo a través da cal se aplica un son con intensidade e frecuencia variable que xerará cambios de presión. Esta proba non precisa da colaboración activa do paciente.
Test de audición: moitas clínicas dispoñen de test cos que, a través dunhas sinxelas preguntas, esbozan un primeiro diagnóstico para comprobar se temos que revisar a nosa audición.

Por que somos o que escoitamos?

15/02/2023 Saúde

“Es o que escoitas”. Seguro que tes escoitado isto máis dunha vez. Pero, por que? Dise que es o que escoitas porque a audición é un dos sentidos máis importantes que temos e afecta profundamente ao noso comportamento, personalidade e formación cognitiva e emocional. Os sons que percibimos ao longo

Por que perdemos audición ao envellecer?

21/11/2022 Saúde

Hai moitos factores que poden contribuír á perda de audición relacionada coa idade. Pode ser difícil diferenciar a perda de audición relacionada coa idade da perda de audición que pode ocorrer por estar exposto ao ruído moito tempo. Co paso dos anos, o cerebro vólvese máis sensible aos ruídos e

Como coidar a saúde auditiva dos nenos?

15/09/2022 Saúde

Oír ben é importante para poder falar ben. A perda de audición pode ter efectos tanto no desenvolvemento da lingua para poder comunicarse, como tamén á hora de aprender e relacionarse socialmente. Polo tanto, é importante facerlles revisións audiolóxicas aos nenos. No noso centro de Ordes,

A función da cera nos oídos

08/08/2022 Saúde

O conduto auditivo externo está revestido por folículos pilosos e por glándulas que producen un aceite ceroso denominado cerume. A cera case sempre se abre paso ata a abertura do oído, como causa do movemento da articulación da mandíbula inferior cando comemos, falamos, mastigamos... Isto, unido á