“Es o que escoitas”. Seguro que tes escoitado isto máis dunha vez. Pero, por que?
Dise que es o que escoitas porque a audición é un dos sentidos máis importantes que temos e afecta profundamente ao noso comportamento, personalidade e formación cognitiva e emocional. Os sons que percibimos ao longo da nosa vida moldéannos e axúdannos a construír a nosa percepción do mundo.
Construción da nosa personalidade
Cando escoitamos, facémolo sen darlle ordes ao noso corpo de que é o que debe facer, é un acto reflexo involuntario. Dende a infancia, os sons que escoitamos inflúen no desenvolvemento cognitivo: dende a música, que afecta ao noso estado de ánimo, pasando polos sons ambientais que poden afectar aos niveis de estrés, ata chegar á voz dos pais ou compañeiros de xogos que pode repercutir na formación das habilidades sociais e as relacións interpersoais.
A raíz disto, unhas persoas son máis sensibles aos sons fortes ou molestos, o que pode levar a un comportamento introvertido ou ansioso. Por outro lado, as persoas que desfrutan da música e outros sons artísticos poden ser máis extrovertidas e creativas.
A importancia da comunicación efectiva
A audición é unha capacidade sensorial esencial para a percepción dos sons do entorno, o que lle permite ás persoas responder a estímulos externos e construír a súa propia percepción do mundo.
A capacidade de escoitar e comprender as mensaxes verbais é moi importante para a comunicación efectiva cos demais. Ademais, o son da voz e o ton poden revelar información sobre os sentimentos e as intencións dunha persoa, o que é importante para as relacións interpersoais.
Unha vez chegamos á vida adulta, os sons que escollemos para a música, por exemplo, son un reflexo da nosa personalidade, valores e intereses.
Polo tanto, é importante ser conscientes do que escoitamos e elixir coidadosamente os sons que permitimos que entren na nosa vida. Escoitar música positiva e motivadora, rodearse de persoas que nos inspiran e alentan e evitar sons irritantes pode axudar a formar unha personalidade positiva e saudable.
A audición ten un impacto profundo na nosa vida e o que escoitamos axúdanos a ser quen somos. Protexe sempre a túa audición!